गुरुवार, १५ ऑक्टोबर, २०१५

नकोसा भाग

(छायाचित्र सौजन्य: लीन )
.
.
मी पूर्णच आहे.
आखिव रेखीव घडलेला.
काही नकोसा भाग
तासून बाजूला केला;
की दिसायला लागेन,
माझ्या दिव्य रूपात तुम्हाला
आणि मलाही.
हे नकोसे भाग
काढायला, मी सुरवात करतोय
स्वतःवरच घाव घालून.
नको असलेला...
एक एक भाग बाजूला काढतोय.
मला दुखेल..
वेदनेने विव्हळायला होईल..
मी ओरडेनही,
पण त्यानेच मी तळपत जाईन.
जे उरेल ते दिव्य दिसेल.
समाधानाने बहरलेले,
आनंदाचे अस्तित्व असेल.
.
तुष्की नागपुरी
नागपूर, १५ ऑक्टोबर २०१५, २०:३०