गुरुवार, २३ ऑक्टोबर, २००८

एक मुलगी

(छायाचित्र सौजन्य सुप्रिया)


आलेल्या दुःखाला
हसुन साजरे करते
एक मुलगी जगण्याचे
सुमधुर गाणे करते

वास्तव जगताना हो
स्वप्ने पण बघते ती
क्षण हरवले त्यांना
अधुन मधुन स्मरते ती

ही मुलगी आसपास
आहे तुमच्या बरका 
जाणवेल अचानक
कधी आनंदाचा झोका

तीव्र तिच्या दुःखाने
रात्र ही होते आहे
हळुच तिच्या स्वप्नांची
पहाट जन्मते आहे

सापडली जर ही कधी
तिला सांगणार आहे
तुझ्या मुळे दुःखातही
सुख नांदणार आहे

तू अशीच प्राणपणे
दुःखाला जगत रहा
हसणे पसरून जगणे
मंगलमय करत रहा