सावळ्या रंगाच्या पोरी

(छायाचित्र सौजन्य: अपेक्षा )

.

.

सावळ्या रंगाच्या पोरी
तुझे हसणे जहर
नसानसात भरते
गुंगती माझे प्रहर

सावळ्या रंगाच्या पोरी
तुझ्या डोळ्यात चकवा
कुणी उदास दिसता
तुझा फोटो दाखवावा

सावळ्या रंगाच्या पोरी
तुझा चेहरा लाघवी
तुला पाहता पाहता
किती लोक झाले कवी

सावळ्या रंगाच्या पोरी
तुझे केस घनछाया
फुले मोहरून येती
तुझ्या केसात सजाया

सावळ्या रंगाच्या पोरी
तुझ्या सौदर्याचा डंख
अस्तित्वास लावी माझ्या
आनंदाचे किती पंख

(सावळ्या मुलीची गाणी / तुष्की, नागपूर)
+९१ ९८२२२ २०३६५