शनिवार, ७ सप्टेंबर, २०१३

चोर

(छायाचित्र सौजन्य: स्वप्ना )
.
.
तुझा विचार मनात
चोर पावलांनी येतो
कुठेही असले तरी
मला दूर दूर नेतो

विसरते जग सारे
हरवते मी तुझ्यात
स्मरणांचा खेळ रंगे
हृदयाच्या अंगणात

तुझे शब्द आठवून
ओठांवर हसू येई
सख्या म्हणती कप्पाळ
पुन्हा हरवली बाई

शोध घ्या रे त्या चोराचा
भलताच व्दाड दिसे
सखी हिरावली बघा
कुठेही उगाच हसे

~ तुष्की
नागपूर, ०७ सप्टेंबर २०१३, २३:२०

कोणत्याही टिप्पण्‍या नाहीत:

टिप्पणी पोस्ट करा