शुक्रवार, ३० सप्टेंबर, २०११

वाट पाहते

(छायाचित्र सौजन्य: प्रांजल)
.
.
स्वतःला आरशात पहावे मीच किती
वाट पाहते तुझी येना रे भेटीसाठी

सुर्य होऊन येना तळप माझ्या नभी
डोळ्यांची आरती मी घेऊन आहे उभी
साक्षात होऊन ये स्वप्ना मधली प्रीती
वाट पाहते तुझी येना रे भेटीसाठी

केसांना फिरणाऱ्या हातांची ओढ आहे
ओठात दाटलेले अमृत गोड आहे
येता विचार तुझा लाली गालावरती
वाट पाहते तुझी येना रे भेटीसाठी

तुझ्यासाठी जपले सजले रूप माझे
रूपास टिपताना पाहूदे डोळे तुझे
हातांना विणू दे रे जन्मोजन्मीची नाती
वाट पाहते तुझी येना रे भेटीसाठी

तुषार जोशी, नागपूर
.
.

३ टिप्पण्या:

  1. तुझ्या सुगंधाहून निराळी अशी फुले मी आणू कुठली
    हे फुलराणी सांग मला तू , हे फुलराणी सांग मला तू
    तुला फुले मी माळू कुठली

    प्रत्युत्तर द्याहटवा