शनिवार, १४ मे, २०११

रसिकांचा प्रेषित

(छायाचित्र सौजन्य: ज्ञानेश वाकुडकर)
.
.
जे लिहितो तू रक्ताने
संदर्भ तुझ्या वचनांचे
विश्वाला व्यापुन उरते
ते मोल तुझ्या शब्दांचे

कधी भावुक कधी मनमौजी
कधी वेडा घोषित होतो
कधी लिहितो असले काही
रसिकांचा प्रेषित होतो

प्रेमाचा कवि होताना
गुण गातो आर्त सखीचे
दुःखाचा सागर होतो
मन जाणतोस नदीचे

शब्दा शब्दातून देतो
तू रसिकांना आनंद
हृदयांना काबिज करणे
जाणतो तुझा मी छंद

तुषार जोशी, नागपूर
१४ मे २०११, २१:००

1 टिप्पणी:

  1. tusharbhai..me kay bolu..? evdha sanman kelat maza..! rasik hach kalawantacha parmeshwar ahe, ase mee manto..! apansarkhya kavine aplya manat yevdhi mothi jaga dyavi he maze bhagya samjato..! dhanyawad mhanun aplya premach mahatw kami karnar nahi..
    ..dnyanesh wakudkar

    प्रत्युत्तर द्याहटवा