सुखाची फुले

(छायाचित्र सौजन्य: रिधिमा )

.

.

तुला पाहिले मोकळे हासताना
मनातून ते चित्र जाईचना
दिशा धुंद झाल्या ऋतू गुंग झाले
असा थांबला काळ हालेचना

तुझे रूप आहे जगा वेगळाले
मला ठाव होते कधीचे तरी
तुला पाहताना पुन्हा जीव जाई
किती वादळे जन्म घेती उरी

कसे ते कळेना तुला भेटताना
सुटे जाण माझ्या जगाची मला
तुझ्या चांदण्यातून वेचून घेतो
सुखाची फुले रोज माळायला

तुषार जोशी, नागपूर (+९१ ९८२२२ २०३६५)
२५ एप्रिल २०१२, १०:३०

.

.