सुंदर

(छायाचित्र सौजन्य: सुनिता )

.

.

जितके मोहक आणि तुझे ते दिसणे सुंदर
त्याहुनही आहेस जशी ते असणे सुंदर.
.
कवितांनाही अद्वितीय येतोय सुंगंध
शब्दाशब्दातून तुझे ते ठसणे सुंदर
.
विचार देती तुझे मनाला दंश विलक्षण
तरी हवेसे किती अहा हे डसणे सुंदर
.
फसशिल सांभाळून म्हणाले लोक कितीदा
इतके झाले कधीच नव्हते फसणे सुंदर
.
'तुष्की' हसतो किती गोड म्हणतात मला ते
तुला आठवुन दिसते माझे हसणे सुंदर
.
 ~ तुष्की
वाशींग्टन, २४ एप्रिल २०१४, ०७:००