शनिवार, १२ एप्रिल, २०१४

मराठमोळी

(छायाचित्र सौजन्य: दक्षता )
.
.
तू
इतकं सुंदर
असायला नको होतंस
किमान
माझ्या नजरेत तरी
ठसायला नको होतंस

तुझ्या असण्याने
माझी सगळी गणितच बदलतात
तुझ्यापासून
सुरू होतात विचार
तुझ्याच कडे परत येऊन बसतात
तू
मला पाहून
हसायला नको होतंस
तू
इतकं सुंदर
असायला नको होतंस

तुझ्या कडे पाहून
जग किती सुंदर ते कळतं
तुझ्या असण्यानेच
गड जिंकण्याचं तानाजीबळ मिळतं
तू
इतकं मराठमोळं
दिसायला नको होतंस
तू
इतकं सुंदर
असायला नको होतंस

 ~ तुष्की
वर्नान हिल्स, १२ एप्रिल २०१४, २०:००

कोणत्याही टिप्पण्‍या नाहीत:

टिप्पणी पोस्ट करा