मंगळवार, १४ जुलै, २०१५

रूप बिलोरी

(छायाचित्र सौजन्य: अनुराधा)
.
.
उफ्फ तुझे हे रूप बिलोरी
चित्त पाखरू फसले गं
कुठं जाईना काही खाईना
बावरल्यागत बसले गं

बट माथ्यावर, सळसळणारे
नाग मनाला डसले गं
जीव बघूनच विरघळलेला
भान तयाला कसले गं

नजर रोखूनी तुझे पहाणे
बाण दिलावर धसले गं
तू हसल्यावर घाव बिथरुनी
खोल गोड ठसठसले गं

तुला पाहता नशीब माझे
धुंद होऊनी हसले गं
ओवाळावा जीव मनातून
विचार असले तसले गं

तुष्की नागपुरी
नागपूर, १४ जुलाई २०१५, ०१:००

कोणत्याही टिप्पण्‍या नाहीत:

टिप्पणी पोस्ट करा