वेडाबाई

(छायाचित्र सौजन्य: भावेश )

.

.

तुला आठवण्याची
तशी काही गरज नव्हतीच
शाळेपासून एकत्र खेळलेलो आपण
पण..
काल तुला फ्रेंडशीप बॅण्ड घातला ना
तेव्हा पासून सगळेच बदललेय
.
तुझे प्रसन्न हसणे माझ्या
मनातून काही जातच नाहीये
मी तर सगळेच तुला सांगते
हे कसं सांगू
की तुला पाहून आजकाल
धडधड वाढते आणि गाल लाल होतात
.
तू एकदा म्हणालास ना
की काय वेडाबाई
एखादा बायफ्रेंड बनवला की काय?
तो कसा बनवतात
मला माहित नाही बाई
पण आजकाल नावासमोर
तुझे नाव लिहून पाहावेसे वाटते
.
तुझ्या केसातून
एकदातरी हात फिरवायची
इच्छा होतेच आजकाल
आणि तू पण असा आहेस ना
माझ्या डोळ्यातली चमक
बदललेले बघणे तुला कळत नाही का रे?
.
~ तुष्की
नागपूर, १५ जुलाई २०१४, २३:३०