तू सावळी आहेस

(छायाचित्र सौजन्य: रूपाली )

.

.

तू सावळी आहेस
हीच जमेची बाजू आहे
तू सावळी आहेस
हीच तर तुझी जादू आहे

तू सावळी आहेस
मला सावळ्या रंगाची ओढ
तू सावळी आहेस
म्हणूनच तर दिसतेस गोड

तू सावळी आहेस
केस रेशमी वेधक डोळे
तू सावळी आहेस
म्हणूनच तरूण वेडे खुळे

तू सावळी आहेस
गुण गाऊ तुझे किती
तू सावळी आहेस
शब्द संपण्याची भीती

तू सावळी आहेस
अजून सांगू काय वेगळं
तू सावळी आहेस
यातच आलं की गं सगळं

~ तुष्की
नागपूर, १९ जुलाई २०१३, ०९:००