(छायाचित्र सौजन्य: प्रथमेश)
.
मी तुझ्यावर करते
नेहमी प्रश्नांचा भडीमार
भेटता क्षणी लगेच
सुरू हे विचार ते विचार
तू बघतोस मला
करतोस आश्वस्त स्मीत
मग ओढतोस तुझ्या
गच्च बाहुपाशात
माझे प्रश्नच मला
नेहमी चकित करतात
तुझ्या कुशीत शिरताच
सगळे गुमान सरतात
.
तुला शब्दांची कधी
गरजच नसते अगदी
तुझ्या डोळ्यातच असते
सगळी भावनांची गर्दी
तू असतोस नेहमी
आजुबाजूस माझ्या
आश्वासक डोळ्यांतून
मिळतो सदैव आधार तुझा
मग कधी तू अचानक
बोललास दोन शब्दात
ते शब्द उरत नसतात
मंत्र होत जातात
मंत्र होत जातात
.
तुष्की नागपुरी
नागपूर, मंगळवार, ९ जून २०२६
