हट्टी

 

(छायाचित्र सौजन्य: सोनम ) 

.

.

झुळकेसारखे मुलींचे चेहरे
समोरून येतात विरून जातात
पण तुझा चेहरा फारच हट्टी आहे
मनात असा काही जाऊन चिकटलाय
तो मनातून जातच नाहीये
सावळा रंग इतका केमिकल लोचा
करू शकतो हे वाटलेच नव्हते
आणि त्वावर उठून दिसणारी तुझी नथ
माझ्या काळजावर ओरखडे पाडतेय गं
हसतेस काय?
.
हो पण तुझ्या हसण्यानेच
मिटताहेत किती तरी
सुनसान क्षणांचे, एकट्या रात्रींचे दंश
तुझ्या हसण्याच्या प्रकाशाने
भरतोय माझा गाभारा
जग बदलणारा, कमाल आहे
लाघवी तुझा चेहरा
तुझं असं समोर येणं
मी योगायोग कसा मानू?
तू होऊन आली आहेस
आनंदाची, आशेची खूण जणू
.
तुष्की नागपुरी
नागपूर, १६ सप्टेंबर २०१४, ११:००