अदा

(छायाचित्र सौजन्य: सारिका )

.

.

अदा अदा म्हणतात ती ही आहे
की काहीच करायचं नाही आणि पाहणारा ठार
तुझ्या हसण्यातून सावरत नाही तर
तुझ्या सावळ्या रंगाचा वार नाजुक वळणांचा वार

मानेवरून वळणारे केस आणि
बोलक्या डोळ्यांचा छेद हृदयाच्या आर पार
तुला पाहणे थांबवून जाणे महाकठीण,
मन नाहीच अगदी नाहीच तयार

तुला सांगणारच नव्हतो मी
मनात राहू द्यावे पण डोळेच चोंबडे फार
कधी काळ थांबला कळलेच नाही
झिणझिणतेय सतत नादतेय मनाची सतार

~ तुष्की
नागपूर, ३१ मे २०१३, २२:३०