स्वप्न

(छायाचित्र सौजन्य: बागेश्री )

.

.

मी म्हणायचो
तुझ्या डोळ्यात मला एक टप्पोरं स्वप्न दिसतं.
तू म्हणायचीस छे
तुला तर कशातही काव्यच सुचतं.

मी म्हणायचो
बघ मनापासून केलेली इच्छा ही प्रार्थना असते
तू म्हणायचीस कशी रे
चिमुरडीतही तुला झाशीची राणीच दिसते

मी म्हणायचो
ती हसायची आणि गुणगुणायची आपल्याच नादात गाणी
आज यशाचे
मेडल घेऊन आली आणि डोळ्यात माझ्या आनंदाचे पाणी

~ तुष्की
नागपूर, ०७ मे २०१३, ००:००