भुरळ

(छायाचित्र सौजन्य: प्रणाली )

.

.

किती कविता लिहिल्या तरी
पुन्हा नवं सुचतं
तुझं असणं रोजचचं तरी
पुन्हा नवं असतं
 .
मला वाटतं कळलीस मला
तरी नव्याने छळतेस
पुन्हा अनोखी अदा होतेस
रोज नव्याने कळतेस
.
कधी केसांची भुरळ घालतेस
खळीची कधी डोळ्यांची
कधी 'स्टुपिड' म्हणून करतेस
मधुर सुरवात दिवसाची
.
कायमचाच गोंदला गेलाय
तुझा विचार मनात
तुझ्या असण्याचा सुगंध भरलाय
माझ्या क्षणा क्षणात
.
तुष्की नागपुरी
नागपूर, २४ फेब्रुवारी २०१५, १०:००