वळण

( छायाचित्र सौजन्य: अनुराधा ) 

.

.

तुझ्या केसांचं ते अनोखं वळण
मला नेहमीच गोंधळात टाकतं
वाटतं कालच  पाहून आपण
आनंदलो होतो
तरी आज पुन्हा निरखत रहावसं  वाटतं
.
तुझं मोत्यांच्या दाण्यांचं हसणं
माझं आयुष्य प्रकाशमय करतं
सगळं जग अस्पष्ट होत जातं
मागे मागे
तुला आठवत राहणं इतकच फक्त उरतं
.
एक मन म्हणतं सांगूनच टाक
एक मन जरा थांब म्हणतं
माझ्या डोळ्यात तुला दिसतंय का
ठाऊक नाही
मन मनात तुझीच स्वप्ने विणतं
.
तुष्की नागपुरी
नागपूर , २५ एप्रिल २०१६, २३:००