रविवार, २९ मे, २०१६

दिशा मुग्ध व्हाव्या अशी सावळी

(छायाचित्र सौजन्य: पूजा )
.
.
तिच्या पावलांना जरी खूप छाले
तरी थांबलेना तिचे चालणे
फुलोनी जगाला फुले गंध देती
तसे गंधवेडे तिचे हासणे
.
तिला लाभलेले जरी लाख काटे
फुले वाटते ती जगाला तरी
तिचे शब्द होतात फुंकर जगाला
जणू तप्त मातीत याव्या सरी
.
तिचे चित्र लावण्य साधेपणाचे
दिशा मुग्ध व्हाव्या अशी सावळी
जरी टाळले तू तरी प्रेम माझे
म्हणे जिंदगीला अशी ती खुळी
.
तुष्की नागपुरी
नागपूर, २९ मे २०१६, १०:००
9822220365

कोणत्याही टिप्पण्‍या नाहीत:

टिप्पणी पोस्ट करा