वेड

(छायाचित्र सौजन्यः मनाली, छायाचित्रकारः उमेश दौंडकर )

.

.

एका सावळीला गोरं
होण्याचच वेड
तिला कसे सांगू दिसे
सावळेच गोड

सावळ्या खळीची मजा
सावळे ते गाल
काळजात ओढ जागे
केवढीही खोल

सावळ्या रूपास शोभे
केस भोर काळे
पाहणारा फसतोच
असे गूढ जाळे

कथ्थई डोळ्यांत बुडे
जीव खोल पोरी
सावळी आहेस तू गं
तुझी नशा न्यारी

गोरे होण्याचा तू नको
करू आटापिटा
सावळ्या या रंगावर
माझा जीव मोठा

सावळ्या या रंगासाठी
गहाण हा जीव
एक वेडा आतुरला
मनामध्ये ठेव

~ तुष्की
नागपूर, १४ आगस्ट २०१३, १०:००