येता जाता

'तुष्की नागपुरी' च्या येताजाता ब्लाग वर आपले स्वागत आहे. या सर्व कविता सोबत दिलेल्या छायाचित्राच्या अनुषंगाने सुचलेल्या कविता आहेत. छायाचित्र डोळ्यासमोर आले त्या वेळेला काहीच न ठरवता जे लिहिल्या गेले त्या या कविता आहेत. सर्व छायाचित्र उपलब्ध करून देणाऱ्यांचा तुष्की नागपुरी मनःपूर्वक आभारी आहे.

रविवार, ८ सप्टेंबर, २०१३

खळी तुझी

(छायाचित्र सौजन्य: अश्विनी )

सावळ्या गालात
तुझ्या हसण्यात
बसते ऐटीत
खळी तुझी

गोंडस दिसते
मनात ठसते
रोज जीव घेते
खळी तुझी

टप्पोऱ्या डोळ्यांची
कुरळ बटांची
शान चेहऱ्याची
खळी तुझी

तुझ्या स्मितावर
नक्षी मनोहर
दुधात साखर
खळी तुझी

नजर हटेना
ओढ लावी मना
अद्भुत दागिना
खळी तुझी

निराशा मिटावी
एकदा बघावी
आनंदाची चावी
खळी तुझी

~ तुष्की
नागपूर, ०८ सप्टेंबर २०१३, ०९:२०

येता जाता

रविवार, ८ सप्टेंबर, २०१३

खळी तुझी

कोणत्याही टिप्पण्‍या नाहीत:

टिप्पणी पोस्ट करा

लोकप्रिय पाने

माझे आणिक ब्लाग

छायाचित्रे

जुनी पाने