मंगळवार, २२ सप्टेंबर, २०१५

सावळ काया

(छायाचित्र सौजन्य: सुप्रिया
.
.
सजली घन सावळ काया
मन आतुर रोज बघाया
कसली मन मोहन जादू
हरते, हसताच मला तू

नजरेतुन बाण जिव्हारी
हसण्यातुन रोख दुधारी
घन राजस केस नशीले
मन कातर कातर झाले

नथ नाजुक लोभस छोटी
मधु भावसुधा तव ओठी
कळले घडले हलक्याने
भिजले मन प्रीत धुक्याने

तुष्की नागपुरी
२२ सप्टेंबर २०१५, २१:००

(वृत्त: मेघवितान - लल,गाललगालल,गागा)

कोणत्याही टिप्पण्‍या नाहीत:

टिप्पणी पोस्ट करा