बुधवार, २३ सप्टेंबर, २०१५

खुणा

(छायाचित्र सौजन्य: यामिनी
.
.
उन्हाचांदण्याची तुझी भूल होते सुखाच्या सरी
पुन्हा मी मरावे पुन्हा जन्म घ्यावे कितीदा तरी

तुझ्या हासण्याने उन्हे गार होती उन्हाळ्यातली
फुलारून रोमांच येतो नवा स्पंदनांच्या वरी

खुले मोकळे केस पाहून जागी किती स्तब्ध मी
नटोनी फुलांनी नशीबात यावे किती भरजरी

तुझा तीळ गोंदून जातो मनाला उभे आडवे
तुझ्या काजळाच्या खुणा कोरल्या काळजाच्या उरी

कितीदा बघावे तरी नाच व्हावे मनासारखे
किती जन्म 'तुष्की' जणू नेत्र माझे रित्या  गागरी

तुष्की नागपुरी
२३ सप्टेंबर २०१५, ०९:००

कोणत्याही टिप्पण्‍या नाहीत:

टिप्पणी पोस्ट करा