निराळी दिसते ती

(छायाचित्र सौजन्य: प्रेक्षा )

.

.

निखळ निरागस प्रसन्न हसते ती
सर्वांमधे उठून निराळी दिसते ती

तिला भेटतो तेव्हा निराशा दूर पळे
उडून जाई किती वेळ तो नाही कळे
नेहमी चैतन्याच्या धुंदीत असते ती
सर्वांमधे उठून निराळी दिसते ती

सावळा रंग तिला मोहक छटा देतो
गोडवा गाली तिच्या स्वतःचा अर्थ घेतो
प्रेमळ साधी सोपी नेहमी भासते ती
सर्वांमधे उठून निराळी दिसते ती

स्वप्नांच्या बाबतीत वेडी आहे जराशी
त्यांचे थवेच्या थवे असती तिच्या पाशी
स्वप्नांना सजवित खुशाल बसते ती
सर्वांमधे उठून निराळी दिसते ती

तुषार जोशी, नागपूर

.

.