गझल

(छायाचित्र सौजन्य: अपेक्षा )

.

.

सोज्वळ सावळ्या रंगात नटलेली
तू एक गझल आहेस
वाचताक्षणीच मनात पोचलेली
तू एक गझल आहेस

प्रसन्न विचारांसारखे केस आहेत मुक्त
हासिले गझल असे ते ओठ स्मित युक्त

हवी होतीस अगदी तेव्हा भेटलेली
तू एक गझल आहेस
अर्थांचे अनेक पदर नेसलेली
तू एक गझल आहेस

डोळ्यात तुझ्या चमक आहे आत्मविश्वासाची
वृत्तीत तुझ्या लकब आहे जग जिंकायाची

मराठमोळा बाज असलेली
तू एक गझल आहेस
कितेक युगांनी 'त्याला' सुचलेली
तू एक गझल आहेस

~ तुष्की
नागपूर, १६ फेब्रुवारी २०१३, १२:३०