रविवार, १० फेब्रुवारी, २०१३

तारूण्य

(छायाचित्र सौजन्य: मोहिनी )
.
.
तू प्रेमाने पाहिलंस
की वाटतं
तुझ्या प्रेमाच्या शक्तीचे
कवच परसते आहे अंगावर
ही-मॅन ने आय एम दं पावर म्हणावे
तसेच ओरडून सांगावेसे वाटते जगाला
की आता मी काहीही करू शकतो.

तुझी एकच फुंकर
सर्व जखमा बऱ्या करते
तुझा स्पर्ष फुलवतो
माझ्या रोमा रोमात एक नंदनवन
मोकळे केस सोडून गोड हसतेस
तेव्हा वाटतं
बास…
हा चंद्र पाहिल्यावर
या चांदण्यात धुंद भिजल्यावर
आता कोणतेच सुख उरले नाही आयुष्यात
आयुष्य इथेच थांबले तरीही चालेल.

तू माझ्या आयुष्याला मिळालेलं
तारूण्य आहेस
आता मी कधीच म्हातारा होणार नाही.

तुष्की
नागपूर, १० फेब्रुवारी २०१३, १२:००

1 टिप्पणी:

  1. हा चंद्र पाहिल्यावर
    आता कोणतेच सुख उरले नाही आयुष्यात
    आयुष्य इथेच थांबले तरीही चालेल.


    Wish you all the happiness and prosperity.

    Regards
    Akshay

    उत्तर द्याहटवा