शुक्रवार, ६ जून, २०१४

पाऊस तुझा

(छायाचित्र सौजन्य: नेहा
.
.
मस्त मोकळे, जगा वेगळे, तुझे हासणे
मन मोहते, वेड लावते, रूप देखणे
.
आवडणारा, तांबुस जरा, रंग सावळा
केस मोगरा, गोड चेहरा, भाव सोवळा
.
पाहता क्षणी, आपच मनी, दाद निघाली
झळ उन्हाची, गार वार्‍याची, झुळुक झाली
.
तुझे असणे, करी जगणे, ताजे तवाने
सुख भरते, चिंब करते, तुझे चांदणे
.
नाही नटणे, तरी दिसणे, जणू अप्सरा
पाऊस तुझा, जन्मच माझा, मोर नाचरा
.
नकोच गडे, कुणाच कडे, आता बघणे
आठव तुझे, विचार तुझे, झाले जगणे
.
~ तुष्की,
नागपूर, ०६ जून २०१४, १७:३०

कोणत्याही टिप्पण्‍या नाहीत:

टिप्पणी पोस्ट करा