यामिनी

(छायाचित्र सौजन्यः यामिनी )
.
.
ही यामिनी
ही खूप छान लिहिते
कधी हळव्या तर कधी कणखर शब्दात
वास्तवाचे भान लिहिते
.
ही कविता म्हणते ना
तो असतो भावनांचा सण
जी ऐकतोय ती पण असते कविता
आणि जी पाहतोय ती पण
.
संवेदनशील इतकी
की देवालाही विचारते जाब
वाचता वाचता काटा आणतो
असा हिच्या मुक्त शब्दांचा रूबाब
.
ही टिपते आसपासचे कारूण्य
मांडत राहते मार्मिक शब्दात
कधी विरहात आर्त होते
तर कधी घणाघाती वज्राघात
.
हिची गरूडभरारी पाहून
अचंभित होतात जेष्ठ श्रेष्ठ कवी
इतकं वळणदार लिहिते की
हिची कवितांची वही बघायलाच हवी
.
~ तुष्की
नागपूर, २० जून २०१४, २१:३०