खुन्नस

Agressive thinking........, originally uploaded by Hrishikesh Karanjikar.

हृषिकेश, खूपच झकास टिपली आहेस रे खुन्नस. मी माझा एक अर्थ ठेवतो त्या क्षणावर. हे वाचून पुन्हा बघ ते छायाचित्र. कसे वाटले?

रे आयुष्या किती कष्ट देशील मला रे
बघ तू निश्चय मी ही पुरून उरेन तुला रे

टाक टाक अडचणी टाक तू हव्या तश्या
मी समजेन त्या सगळ्यांना पायऱ्या जश्या
त्याच पायऱ्यांनी चढेन पुढचा मजला रे
बघ तू निश्चय मी ही पुरून उरेन तुला रे

आता पुन्हा तुझ्याशी खुन्नस आहे माझी
मी झटकली कमकुवत विचारांची ओझी
आता सगळा माझ्यासाठी मार्ग खुला रे
बघ तू निश्चय मी ही पुरून उरेन तुला रे

तुषार जोशी, नागपूर