शुक्रवार, २० एप्रिल, २००७

खुन्नस

हृषिकेश, खूपच झकास टिपली आहेस रे खुन्नस. मी माझा एक अर्थ ठेवतो त्या क्षणावर. हे वाचून पुन्हा बघ ते छायाचित्र. कसे वाटले?

रे आयुष्या किती कष्ट देशील मला रे
बघ तू निश्चय मी ही पुरून उरेन तुला रे

टाक टाक अडचणी टाक तू हव्या तश्या
मी समजेन त्या सगळ्यांना पायऱ्या जश्या
त्याच पायऱ्यांनी चढेन पुढचा मजला रे
बघ तू निश्चय मी ही पुरून उरेन तुला रे

आता पुन्हा तुझ्याशी खुन्नस आहे माझी
मी झटकली कमकुवत विचारांची ओझी
आता सगळा माझ्यासाठी मार्ग खुला रे
बघ तू निश्चय मी ही पुरून उरेन तुला रे

तुषार जोशी, नागपूर

३ टिप्पण्या:

  1. sir.......hi kavita mala khup aavadli, kaaran "khunnas" saarkhya negative feeling madhun suddha ti khunnas aayushyatlya adchaninwar aahe...tya madhe ek nischay aahe kahitari karun dakhavnyacha....!

    wah!!!

    उत्तर द्याहटवा
  2. सकारात्मक द्रुष्टीकोनाचं उत्तम उदाहरण! आवडलं.

    उत्तर द्याहटवा
  3. Ashya negative word madhun suddha itki positive kalpana nighu shakate.. gr888888...
    tarif karayala aankhin shabdach kami padtil...

    उत्तर द्याहटवा